Samarqand tumanida is gazidan zaharlanish masalasiga bag‘ishlangan yig‘ilish bo‘lib o‘tdi

Samarqand tumanida is gazidan zaharlanish holatlari boyicha yig‘ilish bo‘lib o‘tdi. Yig‘ilishda fuqarolar xonadonlarida tabiiy gazdan, isitish pechlaridan zaharlanish holati muhokama qilindi. Bu haqida “Daryo” muxbiri Farhod Norbo‘tayev xabar bermoqda.

Yig‘ilishda shu vaqtga qadar is gazidan zaharlanish bo‘yicha 16 ta holat qayd etilganligi, shundan olti kishi dunyodan bevaqt ko‘z yumgani aytib o‘tildi.

Shu bilan birga, joylardagi profilaktika nozirlari, gaz unitar ta’minoti korxonasi, mahalla faollari va yong‘in xavfsizligi xodimlari bilan hamkorlikda joylarda har bir xonadonlarga kirib profilaktik tushuntirish ishlari olib borishini tashkillashtirish bo‘yicha qator vazifalar belgilab berildi.

Bugungi kunda dolzarb masalaga aylangan is gazidan zaharlanish holatiga bag‘ishlangan yig‘ilishda viloyat IIB YoXB boshlig‘i o‘rinbosari I.Ismoilov ishtirok etdi.