Fransiya fuqarolari uchun O‘zbekistonga kirishda vizasiz tartib belgilandi

Fransiya fuqarolari uchun O‘zbekistonga kirishda vizasiz tartibni belgilash to‘g‘risidagi Prezident farmoni qabul qilindi. Bu haqda “Huquqiy axborot” kanali ma’lum qildi.

Farmonga muvofiq, endi Fransiya fuqarolari O‘zbekiston hududiga tegishli vizani rasmiylashtirmasdan 30 kungacha kirishi mumkin.

Eslatib o‘tamiz, O‘zbekistonga eng ko‘p elektron kirish vizasini olgan davlatlar qatorida Fransiya ham bo‘lib, 4 oy mobaynida bu imkoniyatdan 1018 kishi foydalangan.