YouTube’da bir kunda tomosha qilinadigan videolar davomiyligi 1 mlrd soatga yetdi

YouTube video servisida har kuni ko‘riladigan videolar davomiyligi 1 milliard soatga yetdi. Bu haqda kompaniyaning texnologik masalalar bo‘yicha vitse-prezidenti Kristos Gudrou YouTube’dagi rasmiy blogida ma’lum qildi.

“O‘tgan yilda biz muhim bosqichga yetdik: butun dunyo odamlari YouTube’dagi kontentni kuniga 1 milliard soatlab tomosha qilmoqda”, — deb yozdi Gudrou.

“YouTube’da bir milliard soat davomida video ko‘rish uchun sizga 100 ming yil kerak bo‘ladi… Yorug‘lik tezligidagi sayohatga 100 ming yil sarflab, Somon yo‘lini bir tomondan ikkinchi tomonga kesib o‘tish mumkin”, — deya ta’kidladi YouTube vitse-prezidenti.