“Barselona” Chempionlar Ligasida yana bir marta rekord o‘rnatdi

28-noyabr, chorshanba kuni futbol bo‘yicha Yevropa Chempionlar Ligasi 5-turida “Barselona” safarda “PSV Eyndxoven”ni 2:1 hisobida mag‘lub etdi.

Natijada Kataloniya klubi 1/8 finalga guruhda birinchi o‘rin bilan chiqadigan bo‘ldi.

“Barselona” hisobida hozirda 13 ochko mavjud, “Tottenhem” va “Inter” esa 5-turdan keyin 7 ochkodan jamg‘arib, 2 va 3-o‘rinni band etib turibdi. 6-turdagi natijadan qat’i nazar “Barselona” 1-o‘rinda qoladi.

Shu tariqa kataloniyaliklar Chempionlar Ligasi tarixida 20-marta o‘z guruhida g‘olib chiqdi va bu rekord hisoblanadi. Hech qaysi jamoa shu vaqtga qadar bunday ko‘rsatkich qayd eta olmagandi.