Qozog‘istonlik yigit samolyotda sevgan qiziga turmush qurish taklifini bildirdi

Qozog‘istonlik yigit sevgan qiziga samolyotda, 10 ming metr balandlikda turmush qurish taklifini bildirdi. Bu haqda Tengrinews xabar berdi.

Yosh juftlik Aqtauga uchib ketayotgan edi. Yigit ekipaj bilan kelishib olgan. Bort kuzatuvchisi mikrofon orqali yo‘lovchi Ayjanga “maxsus taklif” bor ekanligini e’lon qilgan. Shundan so‘ng yigit qizga atirgul sovg‘a qilgan, tiz cho‘kkan va undan turmushga chiqishini so‘ragan.

Voqea guvohlari tomonidan olinib, ijtimoiy tarmoqlarga joylangan suratlarga qaraganda, qiz taklifga rozilik bildirgan.