Buxoroda kuniga 3 marotaba elektr energiyasi o‘chayotgan hududlar aniqlandi

O‘zbekiston iste’molchilar huquqlarini himoya qilish jamiyatlari federatsiyasi tomonidan Buxoro viloyati hududida 24 soat ichidagi tizimli elektr energiyasi uzilishlari o‘rganildi. Bu haqda O‘zA xabar bermoqda.

Uzilishlar har kuni davomli 3 marotaba kuzatilmoqda:

Kogon shahridagi “Turkiston” va Alisher Navoiy nomidagi mahallarda har kuni davomli 3 marotaba, uzilishlar o‘rtacha 6 soat;

Shofirkon tumanidagi “Denov” va “Vardonze” mahallalarida 3-4 soat;

G‘ijduvon tumanidagi “Guliston obod”, “Xavzak”, F.Yunusov nomidagi mahallalarda 2-3 soat;

Peshku tumanidagi “Quchoq”, “So‘fikor” mahallalarida 7-8 soat;

Qorako‘l tumanidagi “Qulonchi” mahallasida 7-8 soat.