Ikrom Aliboyev: “Men nafaqat O‘zbekistonda, balki undan tashqarida ham futbol agentlari bilan ishlamayman”

Janubiy Koreyaning “Seul” futbol klubi bilan shartnoma imzolagan o‘zbekistonlik yarim himoyachi Ikrom Aliboyev, 14-dekabr kuni PFLning Superliga yakunlari bo‘yicha yilning eng yaxshilarini taqdirlash marosimiga yetib keldi. “Daryo” muxbiri futbolchini suhbatga tortdi.

“Seul” klubi Osiyo o‘yinlaridagi (Jakartadagi yozgi Osiyo o‘yinlari) harakatimni kuzatgan. Shundan so‘ng musobaqa yakunlangach “Lokomotiv”ga taklif bilan chiqqan. Superliga yakunlangach esa koreyaliklar klubga rasmiy taklif yubordi. Ularning taklifi “Lokomotiv”ga ma’qul keldi. Klub bilan shartnomam bor edi. “Seul”ning taklifi esa “Loko”ni qanoatlantirdi. “Seul” bilan 2021-yilgacha shartnoma imzoladim. Men nafaqat O‘zbekistonda, balki undan tashqarida ham futbol agentlari bilan ishlamayman. Transfer huquqim to‘liqligicha “Loko”ga tegishli edi. Birinchi klublar o‘zaro kelishib oldi. “Seul” esa meni ham qanoatlantiradigan taklif berdi. Shu boisdan shartnomaga qo‘l qo‘ydim.

Ikrom Aliboyev, “Seul” klubi yarim himoyachisi