Yekaterinburgdagi bosh konsulxona: Magnitogorskda halok bo‘lganlar orasida O‘zbekiston fuqarolari yo‘q

Rossiyaning Magnitogorsk shahrida turar joy binosi qulashi oqibatida qurbon bo‘lganlar orasida 2019-yil 1-yanvar kuni ertalab holatiga O‘zbekiston fuqarolari yo‘q. Bu haqda O‘zbekistonning Yekaterinburgdagi bosh konsulxonasi ma’lum qildi.

2018-yil 31-dekabr kuni sodir bo‘lgan Magnitogorsk fojeasi bo‘yicha vaziyatni bosh konsulxona o‘z nazoratiga olgan.

Oldinroq mazkur portlashda O‘zbekiston fuqarosi jiddiy jarohat olgani va hozirda kasalxonaning jonlantirish bo‘limida ekanligi bildirilgandi.