Xorijiy klinikalarda ishlayotgan 100 nafarga yaqin shifokor O‘zbekistonga qaytdi

O‘zbekistondagi tibbiyot oliy o‘quv yurtlari va xorijdagi nufuzli tibbiy ta’lim markazlari o‘rtasida 220 ta hamkorlik shartnomasi imzolangan. Bu haqda Sog‘liqni saqlash vaziri Alisher Shodmonov ma’lum qildi.

Natijada birgina Toshkent davlat stomatologiya institutida joriy yilning o‘zida 2 ta xalqaro fakultet ochildi.

Tibbiyot tizimida yaratilayotgan zamonaviy sharoitlar tufayli so‘nggi ikki yil ichida chet ellardagi nufuzli klinikalarda ishlayotgan 100 nafarga yaqin o‘zbekistonlik yurtiga qaytdi.

Joriy yilda 500 nafardan ko‘proq yosh mutaxassis chet elda malaka oshirdi. 400 nafardan ziyod xorijlik mutaxassis O‘zbekistonga kelib, tibbiyot muassasalarida mahorat darslarini o‘tdi.