Alisher Usmonov Tulaning “Arsenal” futbol klubiga ham homiylik qilayotgani ma’lum bo‘ldi

Asli kelib chiqishi o‘zbekistonlik milliarder Alisher Usmonov Tulaning “Arsenal” futbol klubiga ham homiylik qilmoqda. Bu haqda jamoa prezidenti Guram Adjoyev jurnalistlarga bergan intervyusida ma’lum qildi, deb yozadi “Sport-Ekspress”.

Jurnalistning “Arsenal” klubiga Alisher Usmonov yordam berayotgani rostmi? mazmunidagi savoliga Guram Adjoyev quyidagicha javob bergan: “So‘nggi ikki yil davomida Alisher Burxonovich bizning jamoaga ko‘mak bermoqda. Jamoaning hozirgi natijalari va barqarorligida uning katta hissasi bor. Buning uchun unga katta minnatdorchilik bildiramiz”.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!