Namanganda ruxsatsiz shar’iy nikoh o‘qigan domla jarimaga tortildi

Namangan shahrida FHDYo idorasida nikohdan o‘tmaganlarni shar’an nikohlagan domla ma’muriy javobgarlikka tortildi. Bu haqda viloyat prokuraturasi vakili Go‘zal Sharipovaga tayanib, UZ24 xabar bermoqda.

Namangan shahri “Sohibkor” mahallasida yashovchi kelin-kuyovning shar’iy nikohini o‘qigan domla Hasan Ahmadjonov ma’muriy javobgarlikka tortildi.

Qayd etilishicha, kelin-kuyov amaldagi tartibga ko‘ra, avval FHDYo idorasida nikohdan o‘tishi, so‘ngra shar’iy nikoh o‘qilishi lozim edi. Ammo kelin-kuyov faqat shar’iy nikohdan o‘tgan, xolos. Prokuratura nashriga ko‘ra, kelin-kuyov faqat shar’iy nikoh o‘qitgan hollarda ular ajrashib ketsa, kelin va uning zurriyodi ko‘chada qoladi, ularga na sud va na boshqa idoralar yordam bera oladi.