G‘arbiy Mosulda IShID boshlig‘i Abu Bakr al-Bag‘dodiyning amakivachchasi hibsga olindi

IShID terrorchilik guruhi boshlig‘i Abu Bakr al-Bag‘dodiyning amakivachchasi Iroqning Mosul shahri g‘arbiy dahalarini ozod qilish bo‘yicha operatsiyalar chog‘ida hukumat kuchlari tomonidan hibsga olindi, deb yozadi “TASS” Al Sumaria telekanaliga tayanib.

Uning ma’lumotlariga ko‘ra, Iroq federal politsiyasi otryadlari al-Bag‘dodiyning amakivachchasini El-Jusak tumanida qo‘lga olgan. Birinchi raqamli terrorchining qarindoshi deb taxmin etilayotgan shaxsning ismi oshkor etilmayapti. Jangarining shaxsi va aniq joylashgan o‘rni Iroq razvedkasi ma’lumotlari orqali belgilangan.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.