Qashqadaryoda qurollangan bosqinchilar qo‘lga olindi

2019-yilning 12-yanvar kuni Qashqadaryo viloyatining Qamashi tumanida yuziga niqob kiygan qurllangan noma’lum shaxslar qo‘lga olindi. Bu haqda IIV Jamoatchilik va ommaviy axborot vositalari bilan aloqalar boshqarmasi xabar berdi.

Qurollangan shaxslar A.Sh.ning uyiga bostirib kirib, unga qo‘llari bilan jarohat yetkazgan hamda uning qizi va turmush o‘rtog‘ini qo‘rqitib, milliy va xorijiy valyutadagi pullarini olib, voqea joyidan yashiringan.

Holat yuzasidan jinoyat ishi qo‘zg‘atilgan. Ko‘rilgan choralar natijasida ushbu jinoyatni Chiroqchi tumani Suvlik qishlog‘ida yashovchi va vaqtincha Yakkabog‘ tumani Yakkabog‘ qo‘rg‘onida yashovchi shaxslar sodir etganligi aniqlangan.

Holat yuzasidan tergov harakatlari davom etmoqda.