Toshkent viloyatida 128 avtomobil yaroqsizligi uchun Yo‘l harakati xavfsizligi xizmati ro‘yxatidan o‘chirildi

Toshkent viloyati IIB Yo‘l harakati xavfsizligi xizmati xodimlari 2019-yilda avtomobilini majburiy texnik ko‘rikka vaqtida taqdim etmagan 68, texnik nosoz holda bo‘lgan avtomobilni boshqargan 57, avtomobilini tegishli jihozlarsiz boshqargan 3449, belgilangan muddatda ro‘yxatga qo‘ymagan 249, ishlab chiqaruvchi zavod tomonidan ko‘zda tutilmagan tarzda tegishli ruxsatsiz qayta jihozlagan 32 nafar haydovchiga nisbatan ma’muriy bayonnoma rasmiylashtirdi. Bu haqda O‘zA xabar bermoqda.

Bundan tashqari, maxsus tadbirlar davomida jismoniy shaxslarga tegishli bo‘lib, mulk egalari tomonidan xonadonlarda foydalanish uchun yaroqsiz holda saqlanayotgan 128 avtomobil yaroqsizligi uchun Yo‘l harakati xavfsizligi xizmati ro‘yxatidan o‘chirildi.