Toshkent chorrahalaridagi kameralar 15-martdan ishga tushadi

Toshkent shahridagi 115 ta chorrahaga o‘rnatilgan videokuzatuv moslamalari 15-martdan sinov tariqasida ishga tushiriladi. Bu haqda O‘zbekiston IIV YHXBB boshlig‘i, polkovnik Xolmatjon Saydaliyev ma’lum qildi.

Sinov tariqasida ishga tushirilishining sababi shundaki, bu yangilik bizda ilk bor qo‘llanilayapti. 15 mart kunidan boshlab qoidabuzarliklar uchun jarima solish to‘g‘risidagi qaror transport vositasining mulkdoriga jo‘natilaveradi. Aynan mana shu ish jarayonida tizimdagi texnikalarning ishlashini nazorat qilib olamiz. Yuzaga keladigan muammolar va kamchiliklarni bartaraf etish choralarini ko‘ramiz. Shu sababli ham sinov tariqasida, deb aytilayapti.

Xolmatjon Saydaliyev, O‘zbekiston IIV YHXBB boshlig‘i

“Daryo”ning Telegram’dagi rasmiy kanali — @toshqindaryo’ga a’zo bo‘ling!