Toshkentda 24 ta nodavlat maktab tashkil etiladi

2019-yilda aholi talabidan kelib chiqqan holda 24 ta nodavlat maktab tashkil etiladi. Bu haqda Toshkent shahar hokimi o‘rinbosari Elbek Shukurov jurnalistlar bilan norasmiy uchrashuvda ma‘lum qildi.

Bular Bektemir, Yashnobod, Yakkasaroy, Chilonzor tumanlarida 1 tadan, Mirobod, Olmazor, Yunusobod tumanlarida 2 tadan, Uchtepa, Shayxontohur tumanlarida 3 tadan, Mirzo Ulug‘bek, Sergeli tumanlarida 4 tadanga to‘g‘ri keladi.

Avvalroq Sergelida yangi qurilayotgan ko‘p qavatli uylarning pastki qavatlari bog‘chalar ixtiyoriga berilishi mumkinligi haqida xabar bergan edik.