O‘zbekistonda Iste’molchilar huquqini himoya qilish agentligi tashkil etiladi

Monopoliyaga qarshi kurashish qo‘mitasi huzurida Iste’molchilar huquqini himoya qilish agentligi tashkil etiladi. Bu Prezidentning qo‘mita faoliyatini tashkil etish haqidagi qarorida ko‘zda tutilgan.

Qo‘mitaga ikki oy muddatda Oliy sud, Bosh prokuratura va Adliya vazirligi bilan birgalikda mazkur agentlikni tashkil etish hamda tegishli davlat organlari va muassasalarining shtat birliklari hamda iste’molchilar huquqini himoya qilish sohasida nazoratni amalga oshirish borasidagi vakolatlarini unga o‘tkazish bo‘yicha takliflar kiritish topshirilgan.