AQSHda keksa egizak opa-singillar bir kunda fojiali halok bo‘ldi

AQSHda keksa egizaklar bir kunda fojiali halok bo‘ldi. Bu haqda “Gazeta.ru” xabar bermoqda.

The Washington Post nashriga ko‘ra, 97 yoshli Jeyn Xeyli va Marta Uilyams Rod-Aylend shtatidagi uylari yaqinida istiqomat qiladigan uchinchi singillari bilan kechki ovqatga boradi. Ovqatlanishdan so‘ng u opalarini Jeynning uyi oldida qoldirib, jo‘nab ketadi.

Politsiya Marta Uilyams mashinasiga yo‘l olayotganida yo‘lda yiqilganini bildirmoqda. Jeyn Xeyli esa unga yordam berishga urinib, qoqilib tushgan bo‘lishi mumkin.

Ikki ayol ko‘chada, sovuq haroratda qolib ketgan. Ertasiga tongda ularni qo‘shnilari topib olgan.