Nukusda 12 kilogramm tovuq go‘shti, Taxiatoshda 9 mln so‘mni o‘g‘irlagan shaxslar qo‘lga olindi

Nukus shahri, Ko‘k-uzak ko‘chasida yashovchi fuqaro A.Muxamatdin, tadbirkor O.Akmaralning Nukus markaziy dehqon bozorida joylashgan oziq-ovqat do‘konidan 12 kilogramm tovuq go‘shtini o‘g‘irlab, voqea joyidan yashirindi. Bu haqda “KRuz.uz” xabar bermoqda.

Olib borilgan surishtiruv ishlari natijasida fuqaro A.Muxamatdin ichki ishlar xodimlari tomonidan qo‘lga olindi va tegishli jazo belgilandi.

Taxiatosh shahrida yashovchi fuqaro G.Zulfiya, tadbirkor T.Aynuraning Nukus shahri, X.Turimbetov ko‘chasida joylashgan do‘konidan sumkasi va uning ichida bo‘lgan 9 million so‘mni o‘g‘irladi.

U ham ko‘p o‘tmay ichki ishlar xodimlari tomonidan qo‘lga olinib, jinoiy javobgarlikka tortildi.