Britaniyalik aktyor Albert Finni vafot etdi

Britaniyalik aktyor Albert Finni 82 yoshida olamdan ko‘z yumdi. Bu haqda Meduza xabar berdi.

Finni muxlislarga 1974-yil ekranlashtirilgan “Sharqiy ekspressdagi qotillik” filmidagi izquvar Erkyul Puaro, “Erin Brokovich” filmidagi advokat Ed Masri hamda “Katta baliq” filmidagi keksa Ed Blum rollari bilan mashhur bo‘lgan. U, shuningdek, “Cherchill” telefilmida Uinston Cherchill rolini ijro etgan.

Finni bir necha marta “Oskar” mukofotiga nomzod sifatida ko‘rsatilgan. Uning kinodagi faoliyati 1956-yil boshlangan. So‘nggi rolini esa 2012-yilda o‘ynagan.