O‘zbekistonda kompyuter va kibersport o‘yinlari assotsiatsiyasi o‘z faoliyatini boshladi
O‘zbekistonda kompyuter va kibersport o‘yinlari assotsiatsiyasi o‘z faoliyatini boshladi. Bu haqda tashkilot vakillari “Daryo”ga ma’lum qildi. Assotsiatsiya prezidenti etib Zaurxan Aliyev tayinlandi.
Tashkilotning asosiy maqsadi O‘zbekistonda kompyuter va kibersport o‘yinlarini jahon sport harakatining bir qismi sifatida rivojlantirish hamda mamlakat fuqarolarini axborot jamiyati hayotiga tayyorlashdan iborat.
Mavzuga doir: O‘zbekistonda rasman kiberfutbol uyushmasi tuzildi
O‘zbekiston kompyuter va kibersport o‘yinlari assotsiatsiyasi, shuningdek, hududlararo va xalqaro kompyuter o‘yinlarining yagona taqvimini tuzish va amalga oshirish, chempionat, birinchilik va kubok o‘yinlarini o‘tkazishni maqsad qilgan.
Bundan tashqari, kompyuter o‘yinlari bo‘yicha mamlakat terma jamoasini tuzib, xalqaro musobaqalarda ishtirok etish, iqtidorli va mahoratli yoshlarni aniqlash rejalashtirilgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!