Shavkat Mirziyoyev Bahouddin Naqshband me’moriy majmuini ziyorat qildi

O‘zbekiston prezidenti Shavkat Mirziyoyev buyuk allomalardan biri Bahouddin Naqshband me’moriy majmuini ziyorat qildi. Bu haqda O‘zA xabar bermoqda.

Taomilga binoan Bahouddin Naqshbandning ruhi poki haqiga Qur’on tilovat qilindi.

Prezident mazkur yodgorlik majmuasini yanada obod maskanga aylantirish bo‘yicha mutasaddilarga tegishli ko‘rsatmalar berdi.

Buxoroning jahon sivilizatsiyasi va islom madaniyati rivojiga qo‘shgan hissasi beqiyos. Bu zaminda ko‘plab allomalar tavallud topgan va yashagan. Ularning boy madaniy merosini chuqur o‘rganish va keng targ‘ib qilish uchun bu yerda Toshkent islom universitetining maxsus fakultetini tashkil qilish kerak.

Shavkat Mirziyoyev, O‘zbekiston Respublikasi Prezidenti