Kanadadagi trassada qariyb 100 ta mashina to‘qnashib ketdi

Yirik trasport hodisasi qurbonlarsiz bo‘lib, o‘n kishi kichik jarohatlar olgan, deya xabar beradi “Korrespondent”.

Hodisa Kanadaning Ontario provinsiyasida joylashgan Barri shahri yaqinidagi tezlik shossesida sodir bo‘lgan, unda 100 ga yaqin mashina to‘qnashib ketgan.

Qayd etilishicha, avariya kuchli qor yog‘ishi oqibatida yuz bergan bo‘lib, o‘n kishi kasalxonaga yotqizilgan.

Bundan tashqari, zararlangan yuk mashinasidan 500 litr dizel yoqilg‘isi to‘kilib ketgan. Voqea joyida qutqaruv xizmatlari faoliyat olib bormoqda.