PFL yangi homiyga ega bo‘ldi

O‘zbekiston Professional futbol ligasi “O‘zbekinvest” eksport-import milliy sug‘urta kompaniyasi bilan homiylik shartnomasi imzoladi. Bu haqda tashkilotning rasmiy saytida xabar berildi.

Natijada “O‘zbekinvest” O‘zPFLning rasmiy sug‘urta hamkoriga aylandi. Ushbu hamkorlik doirasida “O‘zbekinvest” O‘zPFL futbol klublarini homiylik yordami asosida sug‘urtalaydi.

Bu bilan Professional futbol ligasi klublarning sug‘urta uchun sarf etadigan summalarini kamaytirish, sug‘urta polisidagi futbolchilarga berilayotgan chegirmalarni esa ko‘paytirishga erishadi, deyiladi PFL xabarida.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!