Tadqiqot: muhojirlar bo‘lmasa, AQShda mehnatga yaroqli kishilar soni kamayadi

AQShda mehnatga yaroqli aholining umumiy soni muhojirlarsiz 2015-yildagi 173,2 milliondan 2035-yilda 165,6 million kishigacha qisqaradi. Ammo agar migratsiyaning joriy sur’ati saqlanib qolsa, mehnat qiluvchilar soni 2035-yilda 183,2 millionga yetadi. Bu haqda CNN Pew tadqiqotiga tayanib xabar berdi, deb yozadi “Gazeta.ru”.

Ta’kidlanishicha, ishlaydigan aholining eng katta qismi, AQShda tug‘ilgan ota-onalarning farzandlari kamayib bormoqda. Pew tadqiqotiga ko‘ra, ishchi kuchining ushbu segmenti 2015-yildagi 128,3 million kishidan (74%) 2035-yilda 120,1 million kishigacha (66%) pasayishi kutilmoqda.

Ishchi kuchi sonining o‘sishiga ta’sir ko‘rsatadigan omillar qatorida AQShda tug‘ilish darajasi pastligi ham aytilmoqda.