O‘zbekiston Markaziy banki raisi o‘rinbosari o‘zgardi

O‘zbekiston Markaziy banki raisi o‘rinbosari Adham Rustamovich Islomov o‘z lavozimidan ozod etildi, deb yozadi “Gazeta.uz” MBga tayanib.

Adham Islomov (1976-yilda tug‘ilgan) rais o‘rinbosari lavozimini 2018-yil fevralida egallagan, ungacha Prezident apparati Ijtimoiy-iqtisodiy siyosatini muvofiqlashtirish xizmatida bosh maslahatchi bo‘lib ishlagan.

Markaziy bank raisining yangi o‘rinbosari etib Saidqahhor Muhammadkarimovich Xolxo‘jayev tayinlandi, u 2017-yil sentabridan “O‘zagrosug‘urta” sug‘urta kompaniyasiga rahbarlik qilib kelayotgan edi.