Konor Makgregor Floyd Meyvezer bilan revansh jangi o‘tkazishi mumkinligiga shama qildi

UFC’ning sobiq chempioni Konor Makgregor yengilmas bokschi Floyd Meyvezer bilan bo‘lib o‘tgan jangi haqida o‘z fikrini bildirdi.

“8-raundda men unga yaxshigina o‘ng huk zarbalarini berdim. Hujum qilish uchun ajoyib burchakni topdim. U qo‘lga tushdi. Menga eng kerak narsa esa oyoq bilan to‘g‘ri ishlash, so‘ngra olovdek hujum qilish edi.

Masalan, huk zarbasini berganimda biroz tezlashdim va muvozanatni yo‘qotdim. Qanday bo‘lmasin, bu ajoyib boks oqshomi edi. Revansh — so‘zsiz ajoyib g‘oya”, — deb yozadi Makgregor o‘zining Twitter’dagi rasmiy sahifasida.

Eslatib o‘tamiz, 2017-yilning avgust oyida Floyd Meyvezer Konor Makgregorni 10-raundda texnik nokautga uchratgandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!