Moskvada “maugli qiz”ning onasi ozodlikdan mahrum qilindi

Moskvadagi Savelov sudi OAVlarda “maugli qiz” deb atalgan besh yoshli qizni uyga qamagan ayolni qizning og‘ir holati sabab, hibsga oldi. Bu haqda “Gazeta.ru” xabar berdi.

“Sud tergovning iltimosini qondirdi”, — deyildi sudda.

Irina Garashenko 10-maygacha, ikki oyga ozodlikdan mahrum qilingan.

Eslatib o‘tamiz, avvalroq Moskvadagi xonadonlardan birida ochlik va charchoqdan sillasi qurigan besh yoshli Lyuba ismli qiz topilgani xabar qilingan edi. Shifokor unga kuchli yoki surunkali stress ta’sirida qizcha biroz muddat gapirmay qo‘ygan deb tashxis qo‘ygan edi.