Krishtianu Ronaldu qachon safga qaytishini ma’lum qildi

Portugaliya terma jamoasi hujumchisi Krishtianu Ronaldu Yevro—2020 saralash bosqichida Serbiyaga qarshi o‘yinda olgan jarohati haqida gapirdi (1:1).

Eslatib o‘tamiz, futbolchi uchrashuvning 31-daqiqasida o‘ng oyoq mushaklaridan jarohat oldi va uning o‘rniga zaxiradan “Benfika” yarim himoyachisi Pitssi maydonga tushdi.

Bu jarohatdan tashvishlanayotganim yo‘q. Tanam qanday ekanligini juda yaxshi bilaman. Hech qanday muammosiz bir yoki ikki haftada safga qaytaman”, — deydi Ronaldu.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!