NASA tarixda ilk marta faqat ayol astronavtlarning ochiq kosmosga chiqishini bekor qildi

NASA ikki astronavt-ayollar Enn Makkleyn va Kristina Koxning ochiq kosmosga chiqishini bekor qildi, deb xabar berdi Meduza.

29-martga mo‘ljallangan parvoz mos keluvchi skafandr yo‘qligi sababli bekor qilingan.

NASA saytida ma’lum qilishicha, Enn Makkleyn kosmosga birinchi marta chiqqach, o‘ziga o‘rta o‘lchamdagi skafandrning tepa qismi to‘g‘ri kelishini aytgan edi.

NASA boshqarmasi 29-martgacha faqat bitta kerakli o‘lchamdagi skafandr tayyorlay oladi va uni Kristina Kox kiyadi.

29-mart “Ayollar tarixi oyligi” doirasida tarixda ilk marta faqat ayollardan iborat astronavtlar guruhini ochiq kosmosga chiqarish rejalashtirilgan edi.