“Arsenal”ning yozgi transferlar vaqtidagi asosiy nishonlari ma’lum bo‘ldi

“Arsenal” yozgi transferlar oynasidan unumli foydalanmoqchi va besh nafar futbolchi sotib olishni rejalashtirmoqda.

The Independent’ning xabar berishicha, Unai Emeri jamoani kuchaytirishda eng asosiy pozitsiya — markaziy himoya deb hisoblaydi. Asosiy maqsad — “Barselona”dan Samyuel Umtitini sotib olish. U Kleman Langle va potensial transfer bo‘lgan Matteys de Ligt sabab jamoaning asosiy tarkibidagi o‘rnidan mahrum bo‘lishi mumkin.

Bundan tashqari londonliklar “Bavariya” himoyachisi David Alabani ham o‘z tarkibiga qo‘shib olmoqchi. Myunen klubi Alabani transferi bo‘yicha muzokaralar olib borishga tayyor.

Eslatib o‘tamiz, Samyuel Umtiti joriy mavsum La Ligada 9 ta uchrashuvda maydonga tushib, bitta golli uzatma berdi. David Alaba esa Bundesligada 24 ta o‘yinda 2 ta gol urdi va 2 ta golga assistentlik qildi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!