Markus Reshford “Manchester Yunayted”da qoladigan bo‘ldi

“Manchester Yunayted” hujumchisi Markus Reshford klub bilan shartnomasini uzaytirishga tayyor. Bu haqda Sky Sports xabar berdi.

Manbada yozilishicha, Reshford Ole-Gunnar Sulsher klubning to‘laqonli murabbiyiga aylangandan so‘ng hamkorlikni davom ettirishga qaror qilgan.

Ayni damda hujumchi klub rahbariyatining yangi shartnoma bo‘yicha taklifini kutmoqda.

Uning amaldagi shartnomasi 2020-yilning yoziga qadar amal qiladi.

Eslatib o‘tamiz, angliyalik joriy mavsum premyer liga doirasida 26 ta uchrashuvda maydonga tushib, 9 ta gol urdi va 7 ta golga assistentlik qildi.

Avvalroq Reshforda “Barselona”ning qiziqayotganligi haqida xabar berilgandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!