Surxondaryo viloyati hokimi voha ahli bilan xayrlashdi

Surxondaryo viloyati hokimi Bahodir Po‘latov voha ahli bilan xayrlashdi. Bu haqda viloyat hokimligi matbuot xizmati ma’lum qildi.

“Qadrli surxondaryoliklar!

Xalqi mard va tanti, tuprog‘i zar bu vohadagi faoliyatim davomida men bilan yelkama-yelka turib, birga ishlagan, qo‘llab-quvvatlagan Siz azizlarga o‘z minnatdorchiligimni bildiraman.

Sizlarga mustahkam sog‘liq, oilaviy baxt, tinchlik va xotirjamlik tilayman. Surxondaryo yanada gullab- yashnayversin!”, deyiladi Bahodir Po‘latov nomidan qoldirilgan xayrlashuv matnida.

Eslatib o‘tamiz, oldinroq Bosh vazir Abdulla Aripov boshchiligida 1-aprel kuni o‘tkazilgan yig‘ilishda Surxondaryo viloyati hokimi Bahodir Po‘latov lavozimidan ozod etilgani haqida xabar berilgandi.