Malayziyada ro‘y bergan YTHda 10 kishi halok bo‘ldi, 34 kishi tan jarohati oldi

Malayziyada yuz bergan yirik yo‘l transport hodisasi oqibatida 10 kishi halok bo‘ldi, yana 34 nafari kasalxonaga yotqizildi, deya xabar beradi “Vesti.ru”.

Ma’lum bo‘lishicha, chet ellik ishchilarni olib o‘tayotgan avtobus, noma’lum sabablarga ko‘ra, trassadan chiqib, xandaqqa tushib ketgan. Haydovchi va sakkiz yo‘lovchi joyida vafot etgan bo‘lsa, yana bir kishi kasalxonada bir oz vaqt o‘tib vafot etgan.

Halokat 7-aprel kuni kechqurun Kuala-Lumpur atrofida sodir bo‘lgan.