Poroshenko Radani prezident impichmenti haqidagi qonunni qabul qilishga chaqirdi

8-aprel kuni Ukraina prezidenti Pyotr Poroshenko impichment haqidagi qonun qabul qilinishi kerakligi va u buni Radada muhokama qilishga tayyorligini bildirdi. Poroshenko bu haqda telekanallardan biriga bergan intervyusida ma’lum qilgan, deb yozadi “Liga Novosti”.

“Aminmanki, impichment haqidagi qonun kerak. Bu xuddi vaqtincha tergov komissiyalari to‘g‘risidagi qonunga o‘xshab zarur. Ishonamanki, parlamentda ushbu masala yuzasidan muhokama bo‘ladi. Ushbu qonunni president konstitutsiyani buzganida yoki jinoyat sodir etganida uning javobgarligi sifatida qabul qilinishi kerak”, — deydi Poroshenko.