Xiaomi bosh direktori yil yakunlari bo‘yicha salkam 1 mlrd dollar mukofot oldi

Xiaomi yil yakunlari bo‘yicha o‘zining bosh direktori Ley Szyunga kompaniyaning 636,6 million dona aksiyasi miqdorida mukofot berishga qaror qildi. Bu haqda Meduza xabar bermoqda.

Xiaomi asoschilaridan biri bo‘lgan Ley Szyun “kompaniyaga bo‘lgan saloqati uchun” shunday mukofotga loyiq ko‘rilgani bildirilmoqda.

Joriy kotirovkalar bo‘yicha mazkur aksiyalarning qiymati 957 million dollarni tashkil etadi.

Ley Szyun mukofotning soliqlar to‘lanishidan keyin qolgan barcha summasini xayriyaga sarflashi ma’lum qilindi.