OAV: Sudanda harbiy to‘ntarish bo‘lishi mumkin

Sudan armiyasi yaqin orada muhim bayonot bilan chiqishini ma’lum qildi. Bu haqda “TASS” xabar berdi.

Xabarda aytilishicha, Hartumda harbiy to‘ntarish sodir bo‘lishi haqida ma’lumot kelib tushgan. Bir necha vaqt oldin Hartum yo‘ldosh-shahridagi Omdurman davlat teleradiokompaniyasi binosiga bir guruh ofitserlar kirgan.

Ma’lumotlarga ko‘ra, ayni paytda Hartumda prezident Umar al-Bashir ishtirokisiz Sudan armiyasi bosh qo‘mondoni favqulodda yig‘ilish o‘tkazmoqda.

Poytaxt ko‘chalarida xavfsizlik choralari kuchaytirilgan.