Toshkentda o‘ziga tegishli bo‘lmagan do‘konni 40 ming dollarga “sotmoqchi” bo‘lgan fuqaro hibsga olindi

2019-yil 14-aprel kuni Toshkent shahar IIBga tushgan hujjatlarga ko‘ra, 2018-yil oktabr oyida Uchtepa tumanida yashovchi V.X. Chilonzor tumanidagi Muqimiy ko‘chasida fuqaro S.Q.ga o‘ziga tegishli bo‘lmagan “Chilonzor buyum savdo kompleksi”da joylashgan do‘konni sotishini aytib, aldov yo‘li bilan undan 40 000 AQSh dollarini olib ketganligi ko‘rsatilgan, bu haqda O‘zbekiston Respublikasi IIV Jamoatchilik va OAV bilan aloqalar boshqarmasi xabar qiladi.

Holat yuzasidan jinoyat ishi qo‘zg‘atilib, V.X. qo‘lga olingan.

Tergov harakatlari olib borilmoqda.