Toshkent maktab va kollejlarida harbiy rahbar lavozimi joriy etildi. Ular bolalarni vatanparvar va mard qilib tarbiyalashda qatnashadi

Toshkent shahrida maktab va kollejlarda tartib-intizomga rioya etilishini ta’minlash maqsadida harbiy rahbar lavozimi ta’sis etildi. Bu haqda “Gazeta.uz” xabar bermoqda.

Hokim o‘rinbosari va shahar Xotin-qo‘mitasi raisi Farida Abdurahimovaning xabar qilishicha, mazkur lavozimga muqaddam ichki ishlar organlari, prokuratura, Mudofaa vazirligi va boshqa tuzilmalarda faoliyat ko‘rsatgan tajribali mutaxassislar tayinlanadi.

“Ular bolalarni vatanparvar, mard va or-nomusli qilib tarbiyalashda ishtirok etadi”, — deyiladi “Gazeta.uz” xabarida.

“Daryo”ning Telegram’dagi rasmiy kanali — @toshqindaryo’ga a’zo bo‘ling!