Namanganda avtobuslar bekatlarda emas, istalgan joyda to‘xtamoqda (foto)

Namangan shahrida avtobuslar bekatlarda emas, istalgan joyda to‘xtayotgani ko‘plab muammolarni yuzaga keltirmoqda. Ushbu holat yuzasidan “Daryo” mobil muxbiri murojaat qilgan.

“Shaharda yangi, zamonaviy bekatlar qurilgan. Avtobuslar nega ularda emas, yo‘lovchilar istagan joyda to‘xtaydi? Axir bu ko‘plab ko‘ngilsizliklar, hatto avtohalokatlarga sabab bo‘lmoqda, yo‘l harakatida tirbandliklarni keltirib chiqarmoqda”, — deyiladi murojaatda.

Murojaatda mutasaddilardan mazkur  muammoni bartaraf etish va kerakli choralar ko‘rish so‘ralgan.