Namangan viloyatida ota-onasining nazoratsizligi oqibatida 8 va 1 yoshli bolalar kuyib qoldi

2019-yil 18-aprel kuni Namangan viloyatining Yangiqo‘rg‘on tumanida yashovchi o‘rta maktabning 1-sinf o‘quvchisi 8 yoshli A.T. nazoratsiz qolishi oqibatida hovlisida turgan yelim idishda bo‘lgan propan gaz suyuqligi qopqog‘ini ochib gugurt chaqib yuborishi oqibatida alanga hosil bo‘lib o‘zi va shu yerda bo‘lgan, 1 yashar singlisi kuyish jarohatlari olib kasalxonaga yotqizilgan, bu haqda O‘zbekiston Respublikasi IIV Jamoatchilik va OAV bilan aloqalar boshqarmasi xabar qiladi.

Holat yuzasidan surishtiruv ishlari olib borilmoqda.

IIV fuqarolardan yoqilg‘i mahsulotlaridan foydalanishda texnika xavfsizligiga rioya qilishni va farzandlarining nazoratsiz ulardan foydalanishiga yo‘l qo‘ymaslikni so‘radi.