Farg‘onada infoland o‘rnatildi

Davlat xizmatlari agentligi Farg‘ona viloyat boshqarmasi fuqarolarga tezkor va shaffof xizmat ko‘rsatishni ta’minlash maqsadida Farg‘ona shahar davlat xizmatlari markaziga xizmatlar haqida to‘liq ma’lumot beruvchi infoland o‘rnatildi. Bu haqida Davlat xizmatlari agentligi “Daryo”ga ma’lum qildi.

Infolandda Davlat xizmatlari markazlari tomonidan ko‘rsatiladigan xizmat nomlari va uning QR-kodi joylashtirilgan. Mobil telefonda QR-kodni skaner qilish ilova orqali ushbu xizmat haqida to‘liq ma’lumot olish imkoniyati mavjud.

Jumladan, xizmatdan foydalanish uchun kerakli hujjatlar, davlat boji to‘lov summasi, xizmat ko‘rsatish muddati va xizmat ko‘rsatuvchi vakolatli organ to‘g‘risidagi barcha kerakli ma’lumotga ega bo‘lish mumkin. Xizmat turlari rus va ingliz tillarida joylashtirilgan.