Qashqadaryoda 35 kunlik o‘g‘lini 4 mln so‘mga sotayotgan ayol qo‘lga olindi

2019-yil 22-aprel kuni Qashqadaryo viloyatining G‘uzor tumanida ichki ishlar organlari xodimlari tomonidan tezkor tadbir o‘tkazildi, deb xabar berdi IIV Jamoatchilik va OAV bilan aloqalar boshqarmasi.

O‘tkazilgan tezkor tadbir natijasida Jarariq mahallasida yashovchi, muqaddam sudlangan X.U. 2019-yil 17-mart kuni tug‘ilgan o‘g‘lini fuqaro N.N. ismli ayolga to‘rt million so‘mga sotib, kelishilgan pulning  bir million so‘mini Xo‘jaguzar mahallasida olayotgan vaqtida qo‘lga olindi.

Holat yuzasidan jinoyat ishi qo‘zg‘atilib, tergov harakatlari olib borilmoqda.