Samarqandda osh festivali bo‘lib o‘tadi

27-aprel kuni Samarqandda osh festivali bo‘lib o‘tadi. Bu haqda Turizm qo‘mitasi matbuot xizmati xabar berdi.

Tashkilotchilar turli viloyatlardan oshpazlarni taklif qilgan. Shuning uchun mehmonlar turli xil oshlarni tatib ko‘rish imkoniyatiga ega bo‘ladi.

Festival doirasida mehmonlar osh tayyorlash jarayonini ko‘rish, mahorat darslarida qatnashish, oshpazlik sirlarini o‘rganish imkoniyatiga ega bo‘ladi.

Festival Samarqand shahri, “Ustalar markazi”dagi “Osh markazi”da soat 10:00 da boshlanadi.