Navoiy shahrida uchta ko‘p qavatli yangi uy foydalanishga topshirildi

Navro‘z bayrami arafasida Navoiy shahridagi “G‘alaba” mahalla fuqarolar yig‘ini hududida 144 xonadonga mo‘ljallangan uchta ko‘p qavatli uyning kalitlari o‘z egalariga topshirildi. Bu haqda O‘zA xabar bermoqda.

Yangi uyga ko‘chib o‘tgan yosh oilalar orasida Sherzod Primov ham bor. Unga ikki xonali uyning kaliti topshirildi.

Navro‘z shodiyonalari arafasida o‘z uyimizga ega bo‘lganimiz biz uchun qo‘shaloq bayram bo‘ldi. Biz, yoshlarga ko‘rsatilayotgan bunday yuksak e’tibor va g‘amxo‘rlik uchun Prezidentimizdan minnatdormiz. Milliy va zamonaviy dizayn asosida barpo etilgan keng va yorug‘ xonalar, ayniqsa, oshxona turmush o‘rtog‘imga juda ma’qul. Uyda farzandlarimizni bekamu ko‘st ulg‘aytirish uchun barcha sharoit muhayyo.

Sherzod Primov

“Daryo”ning Telegram’dagi rasmiy kanali — @toshqindaryo’ga a’zo bo‘ling!