O‘rtachirchiqda beton to‘siqqa urilgan avtobusning 2 nafar yo‘lovchisiga shifoxonadan javob berildi

Avval xabar berganimizdek, O‘rtachirchiq tumanida Buxorodan ziyoratdan qaytayotgan va salonida 53 nafar yo‘lovchisi bo‘lgan Mersedes rusumli avtobus beton to‘siqqa urilgandi.

Hodisa oqibatida 7 kishi jarohatlanib, 2 nafari O‘rtachirchiq tumani shifoxonasiga, 5 nafari Respublika tez tibbiy yordam ilmiy markaziga yetkazilgan.

FVV axborot xizmatiga ko‘ra, 2 nafar fuqaro O‘rtachirchiq tumani shifoxonasida tibbiy ko‘rikdan o‘tkazilgan. Ularning salomatligiga jiddiy zarar yetmagani bois uyiga javob berilgan.

5 nafar fuqaro Respublika tez tibbiy yordam ilmiy markazida shifokorlar nazorati ostida qolmoqda. Ularga barcha zarur tibbiy yordam ko‘rsatilmoqda.