Rossiyada maktab o‘quvchilari o‘zbekistonlikka yo‘qotgan 220 ming rubl pulini topib berdi

Rossiyaning Salexard shahrida O‘zbekiston fuqarosiga yo‘qotgan pulini topib berishda yordam bergan maktab o‘quvchilari taqdirlandi. Bu haqda Sputnik xabar berdi.

Gimnaziya o‘quvchilari mashg‘ulotlardan qaytayotgan vaqtda ko‘chada unutib qoldirilgan paketni topib oladi. Paket ichida O‘zbekiston fuqarosi pasporti, boshqa hujjatlar va ichida ko‘p miqdorda puli bo‘lgan hamyon bo‘lgan. Ikki o‘smir ushbu topilmani zudlik bilan politsiya bo‘limiga olib boradi.

Xabarda qayd etilishicha, paket ichidagi barcha hujjat va pullar bilan egasiga allaqachon qaytarilgan. O‘zbekiston fuqarosiga hujjat va pullarini qaytarishda yordam bergan bolalarga minnatdorchilik izhor etilgan va ularga IIBBning qimmatbaho sovg‘alari topshirilgan.