» » O‘zbekistonlik kursant jangovar sambo bo‘yicha chempionatda oltin medalni qo‘lga kiritdi (foto)

O‘zbekistonlik kursant jangovar sambo bo‘yicha chempionatda oltin medalni qo‘lga kiritdi (foto)


O‘zbekiston Qurolli Kuchlari akademiyasining 4-bosqich kursanti Bekzod Nurmatov Rossiyaning Vladivostok shahrida 24—29-aprel kunlari o‘tkazilgan jangovar samboning “A” seriyasiga kiruvchi chempionatda ham navbatdagi g‘alabaga erishdi. Bu haqda Mudofaa vazirligi matbuot xizmati “Daryo”ga xabar berdi.

Yevropa hamda Osiyoning 15 davlati, shuningdek, Rossiyaning 20 dan ortiq viloyatidan kelgan 200 nafardan ziyod sambochilar Yaqin Sharq federal universiteti sport zalida “Yuriy Potapov memoriali” nomidagi 22-xalqaro turnirda o‘zaro kuch sinashdi.

82 kilogramgacha bo‘lgan vazn toifasida ishtirok etgan o‘zbekistonlik Bekzod Nurmatov finalda rossiyalik kuchli raqib, Ivan Grachovga qarshi tatamiga chiqib, 9:0 hisobida mutlaq g‘alabaga erishdi.

Qashqadaryo viloyatida tug‘ilgan Bekzod O‘zbekiston nomini jahon arenasiga olib chiqishi birinchi bor emas. U 2016-yili, Akademiyada 1-kursligidayoq Germaniyada o‘tkazilgan qo‘l jangi bo‘yicha xalqaro chempionatda kumush medalni qo‘lga kiritgan edi.

Uch karra Osiyo va xalqaro turnirlar g‘olibi, jahon chempioni hamda jahon kubogi sohibi Bekzod Nurmatov joriy yilning aprel oyi boshida Qirg‘iziston poytaxti Bishkek shahrida o‘tkazilgan aralash kurashning Gran-pri turkumiga kiruvchi “Batir bashi” IV etnoturnirida ham g‘alabaga erishib, chempionlik kamarini qo‘lga kiritgan edi.



Manba: Daryo.uz
Опубликовано: admin (29-04-2019, 22:29)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Сколько времени в день вы проводите в социальных сетях?

КТО НА САЙТЕ?
( 32) ( 0) ( 29) ( 3)
Юзеры:
- отсутствуют
Гости:
Роботы:
Последние 20 посетителей... - отсутствуют