Shavkat Mirziyoyev Boysun tumanida oqsoqollar bilan suhbatlashdi

Davlat rahbari Boysun tumaniga tashrifi chog‘ida keksa avlod vakillari, tuman faxriylari bilan uchrashuv o‘tkazdi. Bu haqda Prezident Matbuot xizmati xabar bermoqda.

Samimiy suhbatda mamlakat, jumladan, Surxondaryo viloyati va Boysun tumanini yanada rivojlantirishga investitsiyalar jalb etish borasida amalga oshirilayotgan ishlar, hududdagi muhim ijtimoiy-iqtisodiy loyihalar, xalq turmush darajasini oshirish va yoshlar ma’naviyatini yuksaltirish masalalariga alohida e’tibor qaratildi. Iqtisodiyotni rivojlantirish barobarida ma’naviyat va madaniyat sohalariga e’tiborni kuchaytirish, baxshichilikni yanada keng targ‘ib etish lozimligi ta’kidlandi.