» » Qashqadaryoda Koreya andozasi asosida qayta ta’mirlangan dastlabki bolalar bog‘chasi foydalanishga topshirildi

Qashqadaryoda Koreya andozasi asosida qayta ta’mirlangan dastlabki bolalar bog‘chasi foydalanishga topshirildi


Qashqadaryo viloyatining Qarshi tumanida Janubiy Koreya andozasi asosida 3 millard 129 million so‘m evaziga qayta rekonstruksiya qilingan dastlabki bolalar bog‘chasi foydalanishga topshirildi. Bu haqda “Daryo” muxbiri xabar bermoqda.

Qarshi tumanidagi 1-sonli maktabgacha ta’lim muassasasi 1953-yil barpo etilgan, devorlari paxsadan iborat bo‘lgan. 70 o‘ringa mo‘ljallab barpo etilgan bog‘cha 65 yil davomida biror marta ham kapital ta’mirlanmagan.

— Prezident bolalar bog‘chalari Janubiy Koreya tajribasi asosida o‘yinchoqlar, mebel va uskunalar bilan ta’minlanishi zarurligini aytib o‘tgandi. Shu maqsaddan kelib chiqqan holda tumanimizdagi mazkur bog‘cha investitsiya dasturiga muvofiq 3 millard 129 million mablag‘ evaziga qayta rekonstruksiya qilindi, — deydi tuman maktabgacha ta’lim bo‘limi mudiri Anvar Eshonqulov. — Natijada 70 o‘rinli bog‘cha 130 o‘rinli bog‘chaga aylandi. Qisqa muddatli guruhlar hisobiga bog‘cha 200 nafar bolani qamrab olish imkoniyatiga ega bo‘ldi.

— Bog‘chamizning Janubiy Koreya uslubi asosida qayta rekonstruksiya qilinishi natijasida bolalar ovqatlanishi uchun umumiy oshxona ham tashkil etildi, — deydi tarbiyachi Saodat Narzullayeva. — Endilikda tarbiyalanuvchilar mashg‘ulot xonalarida emas, umumiy oshxonada ovqat tanovul qiladi.

Muassasada bolajonlarga bog‘cha yoshidan kitobxonlikni targ‘ib qilish maqsadida kutubxona ham tashkil etildi.

Qashqadaryo viloyat maktabgacha ta’lim boshqarmasi mas’ullari bergan ma’lumotga ko‘ra, joriy yil viloyatda Janubiy Koreya andozasi bo‘yicha qurilayotgan 5 ta 160 o‘rinli va 1 ta 380 o‘rinli bolalar bog‘chasi foydalanishga topshiriladi. Hozirda viloyatda 364 ta davlat bog‘chasi faoliyat ko‘rsatmoqda.



Manba: Daryo.uz
Опубликовано: admin (5-05-2019, 10:29)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Что нужно улучшить на нашем сайте?

КТО НА САЙТЕ?
( 29) ( 0) ( 28) ( 1)
Юзеры:
- отсутствуют
Гости:
Роботы:
Последние 20 посетителей... - отсутствуют